comitum placitum ducere, aut iudicare, neque in domibus, vel
casis eiusdem monasterii iudicium, vel placitum tenere, nisi abbas.
aut suus missus, ante cuius conspectum omnes sui residentes,
sicut ante nostram presenciam legem faciant, et recipiant, neque
placiaticum, portaticum, pontaticum, cassaticum, vel quodlibet
pensum, quisquam homo, aut puplice rei exactor tollere, aut exigere
presumat. sed disponimus, ut abbates et prepositi, iuxta
priscam consuetudinem, ad communem utilitatem fratrum sua disponant
providencia, absque alicuius contradiccione. Si quis igitur
hoc nostrum preceptum infringere temptaverit, sciat se compositurum
auri optimi libras duomilia, medietatem Camere nostre,
et medietatem parti predicti monasterii. quod ut verius credatur,
manu propria roborantes, sigillo nostro iussimus insigniri). Signum
domni Conradi Romanorum [M] imperatoris augusti. Kadelohus
cancellarius, vice Hermanni archicancellarii, recognovit.
Datum .III. kalendas iunii, anno Dominice incarnacionis .MXXXVIII.,
indiccione .VI., anno domni Chonradi regni .XIIII., imperii .XIII.
Actum in Vetere Capua, feliciter, amen.
PRETEREA Ylarius, pater beatus plures ecclesias, possessiones
et predia sancto monasterio acquisivit, et que perdita fuerant
recollegit, scilicet: in Balva, in Pinne, in Abruccio, in
Tete, in Amiterno, in Termole, in Apulia, in Benevento,
in Telesia, in Lisine, in Alifis, in Tiano, in Neapolim, in Calinole,
|
|