gracia cantuariensis archyepiscopus tocius Anglie primas
tenore presencium fecit constituit et ordinavit magistros B
de Bononia et I de tali loco licet absentes tamquam presentes
et quemlibet eorum in sollidum, ita quod non sit
melior condicio occupantis, set quod unus inceperit
alter prosequi valeat et finire, generales svos procuratores
actores defensores et nuncios speciales in omnibus suis
et ecclesie sue litibus controversiis atque causis quas habet
vel habiturus est cum quacunque vel quibuscunque
personis ecclesiasticis vel secularibus, collegiis vel universitatibus,
coram quocunque iudice vel auditore, dato vel dando,
ecclesiastico vel seculari, tam in agendo quam defendendo,
et tam in civilibus quam in criminalibus, dans et
concedens eisdem et cuilibet eorum plenam et liberam
potestatem agendi et deffendendi, libellum seu libellos et
quascunque peticiones dandi et recipiendi, litem contestandi,
iuramentum calumpnie et de veritate dicenda et cuiuslibet
alterius generis in animam suam prestandi et adverse
parti si opus fuerit deferendi, terminos et dilaciones petendi,
excepciones cuiuscunque generis proponendi, testes
et instrumenta producendi , alterius partis iurare videndi,
suspectos recusandi iudices, et notarios eligendi et recusandi
ac etiam associari petendi, sentenciam audiendi,
appellandi et appellaciones prosequendi, beneficium restitucionis
in integrum et absolucionis tociens quociens
opus fuerit implorandi, crimina et defectus opponendi, alium
vel alios procuratores loco sui constituendi seu substituendi
ac etiam revocandi semel et pluries quociens eis vel
alteri eorum videbitur expedire, et ipsas causas postmodum
reassumendi et procurandi per se vel alios prout eis vel
eorum alteri utilius visum erit, et generaliter omnia et
singula faciendi et exercendi tam in iudicio quam extra
|
|