poterit dicere, si fecerit quod Ecclesiasticus docet, XXXII:
Rectorem te posuerunt, noli extolli. Esto in illis quasi unus ex ipsis.
Curam illorum habe. Item de rege Israel dicitur, Deutero. XVII:
Nec elevetur cor eius in superbiam super fratres suos neque declinet
in dexteram partem vel sinistram, ut longo tempore regnet ipse et
filii eius super Israel.
De conspiratione membrorum contra ventrem.
Sic fit quandoque contra prelatum conspiratio subditorum.
Quod mediante ratione et cordis consilio facta est pax inter ventrem et membra.
Item vitam prelati et subditorum bene describit magister Phylippus
cancellarius Parisiensis sub methaphora membrorum corporis
dicens:
Inter membra singula
de ventris ingluvie
murmur est et questio.
Quod pro ventris crapula
membra carent requie,
iugis fit exactio.
Lugens dicit oculus:
«Cur vigil et sedulus
cuncta lustrans exploro?
Venter cuncta devorat,
avidus incorporat
quicquid extra laboro».
Auris dicit: «Cur audio,
cur doctrinis inservio
nec satior auditis?
Auditi soni pereunt,
ad ventrem cibi transeunt,
crescit fames et sitis».
Naris dicit: «Cur explores
cibi fumos et vapores?
|
|