ab illa altitudine coelestis contemplationis discedebant
ad ordinandam vitam subjectorum. Et hoc dicit
se propter utilitatem subjectorum facere, non
propter humanam gloriam.
12. Sobrii sumus . Pro vobis, inquit, facimus,
quia de vobis quasi commendando nos, loquimur.
Omnia enim propter vos facimus, quia sive mente
excedimus, id est, profunda divinitatis praedicamus,
et hoc ad laudem Dei; sive sobrii sumus, id
est, subditorum vitam, intermissa contemplatione
divina, humana contemperantes ordinamus.
13. Aestimantes hoc . Existimamus, inquit, quia si
Christus pro omnibus mortuus est, et omnes homines
mori debent pro honore illius.
14. Et pro omnibus mortuus est Christus . Ergo quia
Christus mortuus est pro omnibus, neminem approbamus
secundum carnem viventem. Et si cognovit
priusquam in Christum crederet Apostolus, secundum
carnem novit eum, quia hominem tantum
aestimabat.
15. Itaque vos , id est, quia Christus pro omnibus
mortuus est, ut omnes pro honore illius moriantur.
Ex hac consideratione neminem novimus, id est,
approbamus secundum carnem viventem, et sua
quaerentem, et non quae Jesu Christi.
16. AUGUST. (lib. II contra Faust ., c. 7, tom VI.)
Ex hoc neminem . Itaque nos amodo neminem novimus
secundum carnem. Sed quia illorum secum
vitam futuram, tanquam praesentem meditabitur
[ al ., meditabatur], qui resurgentes commutabuntur.
Amodo, inquit, neminem secundum carnem novimus,
id est, tam certam spem tenemus futurae
nostrae incorporationis et immortalitatis, ut amodo
jam in ipsa notitia gaudeamus.
|
|