Ideoque nos, qui sumus Rocco, Framesitu, et Anseri germani
filii quondam Aczoni, habitatores in comitato Baivense, manifestum
facimus, quia per scriptum conveniencie libellari ordine
dedit nobis, secundum legem, domnus Paulus, venerabilis abbas
monasterii Sancti Vincencii, situm super Vulturni fluminis fontem,
ipsum unum castellum et terras suprascripti sui monasterii, in loco
Alfedena, per hos fines: fine Baie, et fine Sangro, et fine monte
Nigro, et quomodo ipsa Zittula intrat in Sangro, et ultra Sangrum
montem, qui nominatur Grema. ideo per scriptum conveniencie
dedit et tradidit nobis libellari ordine ipse qui supra domnus Paulus,
venerabilis abbas, amodo et usque in .XXVIIII. annos expletos, ad
tenendum et dominandum iam dictum castellum cum iam dictis
terris, ut debeamus nos, et nostri heredes tenere ipsam integram
medietatem de suprascripto castello, cum ipsa integra medietate de
ipsis terris de ipsis hominibus, qui habitant in suprascripto castello,
qui laborant ipsas terras. in parte vero suprascripti vestri
monasterii reservasti integram ipsam reliquam medietatem de iam
dicto castello, cum ipsa medietate de ipsis hominibus, qui habitant
in suprascripto castello, et laborant ipsas terras, et medietatem de
iam dictis terris, faciendi exinde quicquid volueritis. pro ipsam vero
medietatem, quam nobis dedisti ad tenendum et refrugiandum amodo,
et usque in .XXVIIII. annos expletos, debeamus in suprascripto castello
ordinare et ma[n]semus ibi homines, iuxta racionem tamen,
si amodo et usque in duos annos paruerit, ut nos qui supra Rocco,
Framesitu, et Anseri, aut nostri heredes non ordinaverimus, et
non manserimus ibi homines in iam dictum castellum, ut diximus,
statim ubi paruerit, ut nos hoc non fecerimus, ab ipso presenti
die statim sit dirruptum, et vacuum ipsum suprascriptum libellum,
ut nullum roborem habeat in se, et a presenti reveniat ipsum castellum
cum ipsis terris ad possessionem suprascripti vestri monasterii
|
|