STEPHANUS episcopus servus servorum Dei. Rambaldo viro
venerabili abbati monasterii Christi Martyris Vincencii, quod
situm est in partibus Sapmnie, territorio Beneventano, super fontem
Vulturni fluminis, et per te cunctis successoribus tuis in eodem
venerabili monasterio regulariter promovendis in perpetuum. Pia
sollicitudine curam agentes sacrarum Dei ecclesiarum, utpote pro
salute ovium a Deo nobis commissarum, et maxime Deo famulancium
monachorum, satagimus ut divine contemplacioni insistentibus
opem ferre possimus, ut cum eis eciam divine remuneracionis
graciam consequamur. Petentibus igitur vobis, ut monasterium
Beati Vincencii martyris Christi cum omnibus sibi pertinentibus,
cellis, cappellis, castellis, et terris, sub iurisdicione Sancte Romane
|
|