Item equitaverunt, die mercurii tunc sequenti, in illis contratis, ubi multas domos incenderunt,
ceperunt homines plurimos, et bestias minutas et grossas acceperunt eisdem.
Item, eodem anno, die martis XIV mensis octubris, illustris vir dominus comes Bandinus
Dei gratia in Tuscia pallatinus, potestas civitatis Faventie, cum milicia et populo civitatis
eiusdem, et dominus Maghinardus de Sosenana capitaneus civitatis Faventie et Imole, cum
milicia et populo civitatis Imole, et Lanbertacii commorantes Imole, equitaverunt ad Lugum
in comitatu Imole, et ad Roncadellum, occasione obviandi Bononiensibus venientibus causa
furniendi castrum Masse Lonbardorum pane, vino et aliis victualiis necessariis; qui Bononienses,
in nemoribus et palludibus de Trixenti, inceperunt facere viam et stratam, cum gradiciis
et assidibus; sed, propter inundationem aquarum et pluvias multas, non potuerunt conplere
id, quod facere intendebant, ita quod exercitus, ex utraque parte, reversi sunt ad domos
eorum, die sabati XVIII octubris.
Et, eo tenpore, fecerunt et inforciaverunt castrum Sancti Iohannis in Pentecaxo, in odium
Bononiensium.
Item, eodem anno, die veneris XXIV octubris, venit nix magna, et congelavit fortiter,
et glacies magna fuit, et duravit malum tempus multis diebus.
Item, eo anno, die sabati primo mensis novenbris, in die solenpnitatis omnium sanctorum,
Maxius filius condam domini Acharixii de Acharixiis, electus potestas civitatis Imole,
ivit ad ipsam civitatem, et, ipsa die, intravit regimen civitatis ipsius.
Item, anno millesimo CC.LXXXXIX, die sabati ultima mensis februarii, electus fuit potestas
Faventie, pro sex mensibus, dominus comes Bandinus de Mutilliana. Qui, facta sibi denuntiatione
per sindicum comunis Faventie, renuntiavit ipsam electionem et potestariam.
Et, die dominica, primo mensis marçii, dominus Maghinardus de Sosenana fuit electus potestas
Faventie per unum mensem, cum salario C librarum Bononie pro illo mense.
Et, dicta die prima marçii, electus fuit potestas Faventie, pro sex mensibus sequentibus,
ille, qui voluerit, et de quo dixerit dominus Franciscus Napolionis cardinalis Romanus, incipiendo
regimen suum ea die, qua intraverit civitatem Faventie. Qui renuntiavit electionem
de se factam; quare electus fuit potestas Faventie illustris vir dominus comes Tigrimus de
Mutilliana Dei gratia in Tuscia pallatinus, pro sex mensibus, qui venit, et intravit regimen
ipsius civitatis, die dominico X maii.
Item, eodem anno, die martis XXI mensis aprilis, in civitate Faventie, convenerunt simul
ad presentiam domini Maghinardi Pagani de Sosenana, tunc potestatis et capitanei civitatis
eiusdem et capitanei civitatis Imole, anbaxiatores domini Mathei de Viscontis capitanei Mediolani,
et domini Alberti de la Scala domini civitatis Verone, et dominorum Açonis et
Francisci marchionum de Feraria, et comunis Bononie, causa tractandi concordiam inter Bononienses
intrinsecos et extrinsecos, et super aliis, que habebant in mandatis.
Anno Domini millesimo CC nonagesimo nono, indictione XII, frater Agnellus de Faventia
|
|