Hoc sciat omnis homo, quoniam veratia promo:
Monachus est victus propriaque cohorte relictus.
Spe fultus nulla cecidit retro falsa cuculla
De solio Petri. Iubilemus in ordine lęti
Laudeturque deus, quia liquit nos Phariseus
Cum Patarinis, quos mundo fudit Herinis.
Regnet in hac vita, cui terga dat Hysmahelita,
Cesar et augustus trabea sensuque venustus,
Per quem purgaris, per quem nova Roma vocaris,
Terram conculcas et cęlum vertice pulsas.
Ecce vacas hellis, nullis turbata procellis.
Supplex absque mora latorem pacis adora
Atque refer grates, tu Roma tuique penates,
Et satis exulta, quia pro te prelia multa
Fecit cum saxis Pyrenei culmine lapsis
Pugnans cum Sclavis rex fortis, mente suavis.
Exsuperavit eos referens tibi, Roma, tropheos.
|
|