accusando etiam eos de incendiis,
guastis et damnis illatis et factis per eosdem
eidem: ipsos legitime citari fecimus peremptorie
per notarium R. de eodem loco pluribus vicibus,
sicut de citatione constat per instrumenta
publica, ejusdem notarii manu facta.
Cumque praefati C. et D. non venissent, et
diu ultra terminos eis datos fuerint expectati,
considerata eorum inobedientia et contumacia,
Imperiali autoritate qua fungimur eos in personis
et rebus exbanniendos duximus, si dehinc
ad decem dies, ad mandata nostra non venerint
evocati [cum de tam criminali excessu,
coram nobis fuerint accusati, et sic contumaces
extiterint ut est dictum] ita, ut quicunque
eos a praedicta die in antea offenderit, habeatur
impunis: et quod ipsorum bona ad opus
Imperialis Curiae debeant annotari: ac quod
nulla Communitas seu persona eos audeat receptare,
sub poena eis nostro arbitrio inferenda,
donec in eorum contumacia perseverant.
Datum in etc. sub anno etc. praesentibus talibus
etc. Imperante domino Friderico, Dei
gratia Romanorum Imperatore, Hierusalem et
Siciliae rege. Etc.
Cap. CXIII.
Quod nobiles et alii potentes conferant in daciis
et collectis cum universitate.
Tedi soli syndici universitatis hominum de
Caprara, Imperii fidelium, accepimus
de novo querelam: quod cum homines
ipsi, pluribus et variis Imperialibus servitiis,