animus adulterat corpoream venustatem. Prebende nomen adulterat qui non prebet eam liberaliter sed venundat. Hic adulterat claves, ille male transferendo adulterat dictiones' vel sic de hoc verbo 'castigo'.
38. (1) EXEMPLUM DE EODEM.
(2) 'Virgo habet labellula castigata. Magister castigate loquitur et subcinte. Cantilenam castiga ne satietatem inducat. Simplicitate faciei mentis durities castigatur. Verborum prolixitatem castigo. Enormitatem carminis debet poeta diligens castigare' vel sic de hoc verbo 'furatur'.
39. (1) EXEMPLUM DE EODEM.
(2) 'Iste sub tue protectionis clipeo se furatur. Galathea michi sua pulcritudine me furatur. Qui honestis rebus invigilat illecebrarum voluptatibus se furatur. Nemo est tam cautus cui carnalis stimulus aliquid non furetur'.
40. (1) EXEMPLUM DE SIMILI.
(2) Fit in simili cum verba consimilis significationis ad eandem possunt translationem venire, ut: 'Prata floribus rident, prata luxuriant floribus, prata lasciviunt floribus, prata florea iuvenescunt, prata florum purpura venustantur, prata vario gramine ylarescunt, prata florum coloribus depinguntur' vel sic: