5. AUGUST. ( exposit in psal . CXLIII, tom. VIII, et
lib. VI Cont. Faust . c. 7, initio). Quia omnis creatura .
Animalia quaedam non natura sed significatione
immunda dixisse; itaque [ al ., ita quod], verbi gratia,
si de porco et agno requiratur, utrumque natura
mundum est, quia omnis creatura Dei bona est;
quaedam vero significatione agnus mundus, porcus
immundus.
6. LANFR. Haec proponens fratribus . Duplex commodum
sibi promittit, scilicet quia bonus minister,
et doctrinam ipso usu assequitur.
7. AMBROS. Enutritus . Proficiet, inquit, hoc et tibi;
nam dum debita sollicitudine doces alios, assidua
meditatione nutriris.
8. Exerce autem te . Exercitationem pietatis, diligentiam
doctrinae dixit.
9. LANFR. Corporalis exercitatio . Datur intelligi
quia in vigiliis, jejuniis, labori manuum et caeteris
corporalibus laboribus se exercebat, operibus misericordiae
non adeo intentus.
10. AUGUST. ( exposit. in psal . CXLIII, tom. VIII).
Promissionem . Sinistra ejus sub capite meo. Non
me deserit et in temporalibus necessariis, sed tamen
ipsa sinistra sub capite erit, non capiti praeponetur,
sed erit sub capite. Et dextera ejus amplectitur
me, pollicens vitam aeternam. Ita enim sinistra
sub capite, dextera super caput, impletur quod sic
dictum est, promissionem habens praesentis vitae, et
futurae ; quod in praesenti, sinistra sub capite; quod
in futuro, dextera ejus complectetur me.
11. LANFR. Promissionem habens vitae . Quia per
opera melius habet homo et in hoc saeculo, et in
futuro.
12. Per prophetiam . Prophetiam vocat inspirationem
|
|