si est ita juxta confessionem maleficii, quam
consuevit in publicum conscientia laesa producete:
vel talibus probationibus, qualibus hujusmodi
maleficium, quod tanquam hominum
aspectibus horridum, et humanis visibus
verecundum, vix aut nunquam ex visu probari
posset, exposcit, villicum ipsum praenominatum
mutilari continuo vasis seminariis facias:
ut ejus acerbae sed justae vindictae terrore
rustici, quinetiam quilibet familiares addiscant
luxuriae suae frenum imponere: et non tantum
in uxoribus dominorum, sed in focariis etiam
cum pudicitia fidem, et cum fide pudicitiam
observare.
Cap. X.
Pulchrum exordium super inquisitione facienda.
Solet studiosus et diligens vinitor evellere
plantas degeneres, quae terram inutiliter
occupant, et perniciose luxuriant in
perniciem palmitum electorum, ac in loco
illarum vites uberes et electas propagare: ut
tota fiat vinea fertilis et jucunda, ac abundet in
fructibus et respondeat plantatori. [Sane etc.]
Cap. XI.
Eidem, ut puniantur devastantes segetes noctis
tempore.
Ne per impunitatem criminum convalescat
insolentia perversorum, fidelitati tuae mandamus,