Lanfrancus Ticinensis: In omnes epistulas Pauli commentarii, cum glossula interiecta

Pag 248


24. Non in aliena regula . Non, inquit, spem
habemus gloriari in aliena regula, in his videlicet
locis quae praeparata, id est, evangelizata ab ipsis
apostolis.
25. AMBROS. Non in aliena regula . Non audet in
hos qui aliis praedicantibus crediderunt, nec in
alienis laboribus videtur gloriari; sed per hoc nititur
ut eis praedicaret quibus non erat [ sup . Annuntiatum
Evangel.], ut gloriam suo labore acquirat;
gloriam autem Domino dandam significat dicens:
Qui gloriatur in Domino glorietur .
26. Non enim qui seipsum commendat . Verum est
quia illum Dominus commendat; et ille probatus
est, quem dignum habet ac mittit ut praedicet donum
ejus. Quem autem non mittit, non illum commendat.
Ipse autem se commendat, quia [ al ., qui] non
missus praedicat.
111 27. LANFR. Ille probatus est. Non in alienis
sed in Domino volumus gloriari, quia omnis qui
gloriatur in Domino, debet gloriari; quia non in se nec
in alio: in se vel alio non, quia qui sic agit non probatur
a Deo.
CAP. XI.—1. LANFR. Utinam sustineretis! Utinam;
inquit, sustinere velletis, id est, audire quomodo
me commendo, quod videtur insipientia! Et si ego refero
vos debetis audire; et subditur: Aemulor enim
vos, etc.
2. AMBROS. Utinam sustineretis! Incipiens se laudare
insipientem se dicit, quia scriptum est: Non
laudent te labia tua, sed proximi tui ( Prov . XXVII).
3. Aemulor enim vos . Quae locutus est, amore eorum
se dicturum ostendit, ut non magis ad laudem
ejus proficiat; sed ad horum profectum, ut discant
quemadmodum parenti suo in Evangelio faveant.
4. LANFR. Aemulor enim vos . Aemulatio est motus
mentis propter alienum statum. Rogat ergo ut patienter
ferant reprehensionem suam, quia ipse circa

Torna all'inizio