[ forte cogi], sive peccantes debeant argui, sive
poenitentibus debeat inferri aliqua correptio, sive
erudire oporteat de his quae possunt adducere ad
justitiam.
CAP. IV.—1. AUGUST. ( in exposit. Epist. ad Galat .,
sub finem, t. IV). Insta opportune . Duplici distinctione
legi potest. Insta opportune, importune, argue,
ut opportunus sentiaris, cum instas aedificando,
cum destruis arguendo, non cures si importunus videaris;
et sic duo quae sequuntur superioribus redduntur.
Obsecra cum opportune instas aedificandis.
Increpa cum importunus in arguendo destruenda videaris.
Deinde duo quae sequuntur, superioribus
referuntur converso ordine. In omni patientia, ad
sustinendas indignationes eorum quos arguis; et
doctrina ad instruenda eorum studia, quos aedificas.
Alia distinctio: insta opportune; quod si hoc modo
non proficis, insta importune, id est, et si importunus
illis videris, tu tamen, opportunum sciens quod
facis, curam sanitatis ejus animo teneas mansueto.
Nullum enim medicamentum sanat, quod non opportune
adhibeas.
|
|