224
le, quae est inter Narniam et Interamnes, quae nuncupatur
Tyria Suspecta, et ambarum ciuitatum predia obsidebant.
41 Quae cum diuersis preliorum machinis pugnantes ciuitatem
predictam Interamnem, ceperunt eam; et facta preda non parua,
depopulata est, et strages populorum maxima effecta est.
42 Dum autem sanctus Iuuenalis adhuc uiueret, et Narnia desideretur
a prephata gente, et nimium coangustarentur, ut
iam spes euadendi non esset, suis fidelibus indicens ieiunum
ac saccis uestiri et cinerem aspergi, et in ecclesiis teneri a paruo
usque ad magnum. 43 Et sic cum omnibus Deo preces offerens,
ut suum populum liberaret ab instanti morte et ingenti
angustia. 44 Quorum prece miseratus Deus omnipotens noluit
infructuosam habere, sed benigne audiens postera die attribuit,
quod lacrimabiliter expectabant. 45 Mediante uero die
altero, et sol suos radios montes et omnia fulgoraret et nulla
nubila esset, in aera tanta fulgora mixta turbinibus in eorum
castris ceciderunt, ut amplius quam tria milia fortes milites
cum armis suis submersi sunt iuxta murum antiquum herentem
templo Herculis, qui ultra nec apparuerunt nec uiuentes
in hoc seculo. 46 Quod factum uidentes ciues una cum sancto
Iuuenale, madefactis genis, Deo grates referebant pro euasione
periculi, et quia suum populum liberauerat a presenti morte.
47 Beatus namque Iuuenalis, dum se exauditum cerneret et
populum per omnia confidentem in Dei uirtute et ereptione,
Deo gratias agens et eorum fide congaudens (48) 49 sacrosancta
mysteria pro eis offerens sacri corporis et sanguinis domini
nostri Iesu Christi monebat eos esse participes. 50 Duxerat autem
beatus Iuuenalis secum ex Africa calicem paruulum operato
ex crystallino metallo, in quo Deus cotidie sua mirabilia
ostendebat, sicuti in sarepteno urceo oratione et meritis predicti
uiri.
|
|