Lavinum, cujus nomen propter ejus Ecelesiam
inibi dedicatam est Sanctus Vitus.
XIII. ABBAS JOANNES.
Tredecim annis Ecclesiae praefuit Gislebertus,
et hac vita caruit. Cui Joannes in
regimine successit, de quo non inveniuntur
aliqua memoria commendanda, nisi quod fecit
duas praestarias, cuidam scilicet Alberico et
Sociis ejus de rebus in Corni; quibusdam Alberico
Diacono, et Franconi fratribus, de rebus
in Insula, acceptis inde solidis triginta
quinque. Uno tantum anno Abbatiam scribitur
tenuisse, et in infirmitate correptus carnis
debitum solvit. Istis nempe temporibus a Teobaldo
et Winisio, filiis quondam Dodonis infra
terram et terminos possessionis juris Beati Clementis
aedificata fuerunt duo Castella, Paternum
videlicet et Lucus.
1012.
XIV. ABBAS PONZIUS.
Defucto itaque Gisleberto successit Pontius,
cujus negotia et sui temporis instrumenta
incipiunt ab anno Dominicae Incarnationis millesimo
duodecimo. Tunc fecit commutationem
cum quibusdam Petro et Faido, datis eis de
rebus in Petaczano, et acceptis ab eis de rebus
in vocabulo de Sancto Angelo. Concessit
cuidam Petro et sociis ejus de rebus in Opaculo
et Corni.
1013.
Incarnationis ergo Domini anno millesimo decimo
tertio Henricus Rex venit Romam, et
coronatus est a Papa Benedicto. Interea Ponzius
Abbas cum Trefidio Comite potentissimo
Viro, quem superiori inseruimus paginae, de
Castello quodam, quod habebat Ecclesia in pago
Teatesi, Perannum vocitatu, fecit cambitionem,
cum monte de Perano et cum omni re juris
Monasterii de ipsa planicie de Sangro, et accepit
Belonianum, quod erat in villis vicinis
Ecclesiae in propria Monasterii possessione, sed
a tempore Luponis supradicti filii Ludegerii,
erat a Monasterii dominatione quasi violenter
extortum: recepitque inde Abbas super hoc in
Comitatu Pinnensi praedium unum modiorum
centum, in loco, qui dicitur Asinarii, vocabulo
Pallaricia. Porro post haec ipse Comes
Tresidius ipsum Belonianum accepit a Monasterio,
Abbate Ponzio sibi tradente, in beneficiali
praestariae scripto usque in tertiam generationem,
sub censu duorum solidorum singulis
annis, acceptis inde Abbas solidis trecentis.
Eo tempore per Tresidium Comitem traslatum
est Belonianum, et cum eo aliis villis juris
Beati Clementis aggregatis, positum est in
loco quo nunc est super ripam flumnis Orta,
et murorum et turris aedificio in oppidum fortitudinis
communitum, permanente sibi antiquo
nomine Beloniano, eo quod de Benonia,
sicut aiunt, fuit primus ipsius telluris cultor
et habitator.
1016.
Hoc nimirum tempore anno siquidem ab Incarnatione
Domini millesimo sexto decimo,
Normanni Melo Duce coeperunt expugnare
Apuliam. Quo videlicet anno Ponzius Abbas
habuit convententjam cum Comite Trasmundo.
Porrexitque sibi per cambitionem in
Pinnensi territorio de rebus Monasterii in loco
|
|