Zuppardus Matthaeus: Alfonseis, Liber II

Pag 115


tot letam auspiciis et festam circuit urbem
Parthenopen, siciens pro Christi nomine Teucrum,
postque Dei delubra petit, sollemnia queque,
queque exercentur sacro sanctissima templo.
Cum satis intento cultu sunt pulpita magnis
inque Dei verbo claris ornata magistris,
qui regem et populum tormenta per aspera terrent
et dulci sermone monent; sollennia prima
prima dies tribuit, Christi o sanctissima mater
virgo, tibi, meritoque suo dignissima post hec
iura secunda tulit votisque ardentia thura
qui magnam in celis sacro colit ordine sedem
atque animas manibus trutinat, dehinc tertia demum,
militie princeps, regum pia cura ducumque,
qui proceres acque arma fovet, sua thura recepit.
Sed quanto hec magnus sub relligionis honore
gesserit Alfonsus, quantoque insignia cultu
duxerit, et populum sub quo commoverit omnem
exemplo, dederitque animis quas denique vires,
difficile est calamis describere: totus in uno
fixa Deo retinet devotus lumina sicque



50




55




60




65


Torna all'inizio