rare, quod operaris: non cesset pes tuus; Natali Apostolorum uenies ad
me, et retribuo tibi mercedem tuam”». Surrexit presbiter: sed quia e
uicino Apostolorum Natalicius dies imminebat, tam propinqui exitus
diem episcopo nuntiare pertimuit. Alia nocte Dominus rediit, eiusque
inobedientiam uehementer increpauit, atque eadem iussionis suæ uerba re-
texuit. Tunc presbiter surrexit, ut pergeret; sed rursum infirmitas cor-
dis impedimento facta est indicandae reuelationis, ad monitionem quoque
iteratae iussionis obduruit pergere, et quae audierat, manifestare neglexit.
Sed quia magnam mansuetudinem contemptae gratiae maior sequi so-
let ira uindictae, uisitatione tertia Dominus apparens, iam uerbis addi-
dit uerbera; et tam districta cede presbiter mactatus est, ut in eo duritiam
cordis emollirent uulnera corporis. Surrexit ergo presbiter eruditus ex
uerbere: perrexit ad episcopum eumque iam ex more, iuxta beati Iuuenalis
martiris sepulchrum, ad offerendum sacrificium consistentem repperit.
Secretum a circumstantibus petiit, seque eius pedibus strauit.
Cumque eum ubertim flentem episcopus uix ad se leuare potuisset, la-
crimarum causas cognoscere studuit.
Ille uero, reuelaturus ordinem iussionis, prius uestimento ex
humeris deuoluto, detexit plagas corporis, ut ita dicam, testis uerita-
tis et culpae, monstrauit quanta animaduersione districtionis membra
illius accepta uerbera liuore inflicto sulcauerant. Quae uerbera
|
|