Camere nostre, et medietatem parti predicti monasterii). (Quod,
ut verius credatur, diligenciusque ab omnibus observetur, manu
propria roborantes, anulo nostro insigniri iussimus). (Signum
domni secundi Ottonis, Romanorum imperatoris [M] et invictissimi
augusti. Adelbertus cancellarius, ad vicem [.....] Petri [.....]
episcopi et archicancellarii, recognovi et subscripsi. Data .II.idus
novembrium, anno Dominice incarnacionis .DCCCCLXXXIII., indiccione
.XI., regni vero domni secundi Ottonis .XXI., imperii quoque
eius .XVI. Actum Capue, feliciter, amen).
ALIUD PRECEPTUM DE TERRIS ET CELLIS SEU MOLENDINIS
CONSTRUENDIS.
IN nomine domini Dei eterni. Otto, divina previdente clemencia,
Romanorum imperator augustus. Ad hoc omnipotentis Dei
misericordia humanitatem nostre fragilitatis in tantam culminis
excellenciam promovere dignatus est, quatinus ecclesiarum sanctarum
pervigili studio sollicitudinem gerentes, cultores earum paterno
affectu ab omni incursione et pravitate hominum perversorum eripere
studeremus, Quo circa universitatem nostrorum fidelium latere
nolumus, qualiter vir venerabilis Iohannes nomine, abbas monasterii
Sancti martiris Vincencii, quod est situm in finibus Beneventanis,
|
|