Riccardo Stephanus salutem.
Miror multum quod, post obitum patris mei, nullam mihi litterulam
direxisti. Unde hoc proveniat prorsus ignoro, cum nuntiorum hoc non possis
imputare defectui, nec ignorantie, que calamum et membranam ad scribendum
novit assumere, manus tue. Quicquid sit tamen, recomendo me,
de tanto defectu sive contemptu, illis rusticis de montanis, qui te de commisse
tibi visitationis, ut non dicam inquisitionis, officio, sic curialiter
expulerunt, ut, vacua crumena regrediens, retrorsum aspicere non auderes.
|
|