CAP. XXXVIII.
AD EPISCOPUM PAPIENSEM.
HONOR Regni, Vuilielme, rector Papiensium,
Annis vivas, quot sunt undę aquarum currentium,
Videas post dei bona in terra viventium .
Bonitatis tuę fama iam transivit maria;
Angeli te inphulatum ducunt ad altaria;
Tua vita toto orbi sat est necessaria.
Salvet deus HEINRICUM, regem nobilissimum,
Veritatis defensorem et christianissimum,
Qui prefecit te Papię presulem dignissimum.
Ergo decet, ut pro rege nunc in campum salias
Et a lupis tuearis nos et oves alias,
Ecce
tempus pariendi , iustum est, ut parias.
Postquam rex te ad honorem levavit feliciter,
Sancti Syri ampliavit aulam multipliciter;
Ut se ipsum te et tuos amat unanimiter.
Respondere debes certe tantis beneficiis
Hostibus regis occurrens mille artificiis;
Omnibus ostende, qui sis, talibus indiciis.