ut dictum est supra. apparuit miraculum ymaginis Cristi. quum exivit sanguis
et aqua. quum Judei illuserunt ei: et visitavi ecclesiam Beati Georgii
et locum. ubi serpentem interfecit et filiam regis liberavit. et in utraque ecclesia
cum socio missam celebravi. laudans Deum. qui michi dedit gratiam.
ut loca Terre Sancte fideliter et devotissime visitarem ad ejus laudem et
honorem et catholice fidei ampliacionem. cum ea. que vidi. tetigi et diligenter perquisivi. intendam cristiano populo propalare et jocundissime
predicare. ut. Dei et Domino nostri Jhesu Cristi mirabilia audientes. se
disponant ad visitandum illas terras sanctas. vel pocius acquirendas et cristiano cultui reducendas. Quam Terre Sancte acquisicionem ccleriter suo
populo prestet ille Jhesus Cristus. qui est Dei filius benedictus in secula
seculorum. Amen.
Explicit liber peregrinacionis fratris Jacobi de Verona. lectoris fratrum
heremitarum ordinis Sancti Augustini. per me Johannem de Purmerende.
anno Domini Mº CCCCº XX quarto. in crastino Tiburcii martyris.