Ioachim de Flore: De vita Sancti Benedicti et de officio divino secundum eius doctrinam

Pag 47


Babtiste, quia lex et prophete usque ad Johannem Babtistam.
Quatuor lecciones, quatuor sunt speciales ystorie, Job, Tobie, Judith
et Hester. Lecciones autem in Ecclesia, ad hoc
leguntur, ut intelligi possint; si enim qui audit non intelligit,
quomodo respondebit sermoni occulto? Etenim qui legit, librum
aperit ut legere possit, psalmi autem, a monachis, cordetenus proferuntur.
22. Sunt autem psalmi, aut orationes in necessitatibus, aut
confessiones in prosperitatibus. Hoc autem optime intellexerunt Iudei,
et fecerunt quotiescumque se occasio prebuit, etiam adhuc
clauso libro. Denique ut tangamus aliqua, clamaverunt filii Israel
ad Dominum, quoniam opprimebantur ab Egyptiis, et clamantes
liberati sunt, liberati autem laudaverunt Dominum. Clamaverunt
in terra Chanaan, quoniam opprimebantur a gentibus, et
clamantes exauditi sunt, et post victorias retulerunt gratias, et
laudes Domino cantaverunt. Et ita per singulas calamitates, usque
ad tempora Machabeorum, Iudeorum populus fecisse legitur, zelans
pro libertate sua et pro tabernaculo Domini, quod positum
est in Silo, et ad ultimum pro templo Domini, quod erat in Ierusalem.
Quatuor vero speciales ystorie privatum aliquid portendebant,
Iob, scilicet, et Tobie, Iudith et Hester, pro eo scilicet quod
non in corpore illius populi peracte sunt, sed quasi seorsum: etenim
ystoria Iob in terra Hus scripta fuisse legitur, Tobie ystoria in
Ninive, Judith in terra Israel acta est, sed populi multitudo, et
ipsa, ut iam diximus, Ierusalem in captivitate manebat, Hester
quoque ystoria in Susis gesta est. Erant igitur iste populo Iudeorum
non quasi psalmi, sed quasi lecciones, quia non id quod continebant
in eis experta et perpessa fuerat multitudo Iudeorum, sed

Torna all'inizio