Sentencia suspensionis ab officio et beneficio.
Universis presentes litteras inspecturis frater I
permissione divina etc.
Noveritis, nos olim R de tali loco ad instanciam P loci
eiusdem ob eius contumaciam exconmunicacionis sentencia
innodasse, ac ipsam exconmunicacionis sentenciam contra
ipsum, ipsius crescente contumacia, postmodum aggravasse.
quam exconmunicacionem et aggravacionem tamquam inobediencie
filius dei timore postposito diu sustinuit, et
adhuc sustinet, in sua pertinacia perseverans.
Ne igitur de sua glorietur malicia, et ipsius facti perversitas
trahatur a presumptoribus in exemplum, ipsum R
tenore presencium ab officio et beneficio duximus
suspendendum.
In cuius rei testimonium sigillum nostrum presentibus
est appensum.
Datum Londonii iiii kalendas octobris.
h.
A . Littera absolucionis a sentencia exconmunicacionis.
Frater I etc. dilecto in Christo filio etc.
Discrecioni tue presencium tenore conmittimus, et sub
pena exconmunicacionis districte precipiendo mandamus,
quatenus R de tali loco — quem per presentes absolvimus ab
exconmunicacionis sentencia, lata per nos in ipsum ob contumaciam
ad instanciam P de tali loco — in ecclesia tua
et alibi ubi expedire credideris per te vel alium sive alios
publice denuncies et denunciari facias absolutum, pro eo
quod idem R de parendo iuri et stando mandatis ecclesie
corporale coram nobis prestitit iuramentum, et quia dictus
P refusis sibi expensis ob contumaciam ipsam factis
huic absolucioni assensum prestitit liberalem.
Datum etc. ut supra.
B . Alia forma super eodem.
Universis presentes litteras inspecturis frater I etc.
salutem in domino sempiternam.
|
|