Petrus de Vinea: Epistolarum libri VI

Pag 189

Tomus I


Cap. XXIX.
Regi Ungariae de adventu Tartarorum, et
conqueritur ei de Papa, propter cujus impedimentum
non potest eis obviare.
Honor Imperii, qui propter turbationes
temporum valde fuerat in Italia diminutus,
per quem nostra, et exaltatio
principum procuratur, diu nos, de consilio
tuo et aliorum principum. ad sui reformationem,
tenuit in eisdem partibus occupatos,
ut quibuslibet deliciis et regiis opportunitatibus
praetermissis, personae nostrae ac nostrorum
fidelium continuatis laboribus, perquam
plures annos aestivis temporibus, et hyemalibus
minime parceremus: regnum haereditarium,
nostrae matris augustae obventiones, et
commoda undecunque perveniunt, praeter
mores regnantium caeterorum, qui bona haereditaria
commodis specialibus et privatis attribuunt,
pro republica et augmento Imperii,
tam in rebus, quam in divitiis, et personis
incessabiliter exponentes: ita, quod autore Domino,
cujus praevia dextera feliciter in omnibus
triumphamus, ad id, labores nostri, transacti
temporis [pervenerunt, ut devictis fere in
totum hostibus et Imperio nostro subactis,
valde modici temporis] restat labor: in quo
speramus, ad perfectionem votorum communium,
et prosperum totius operis Italiae

Torna all'inizio