alter assumitur. Nil propter aliud scripti sunt Galba et
Vitellus, qui velut cymbalum tinniens dederunt inutilem
sonum, nisi ut sciamus reprobare malum et eligere bonum.
Ideoque sanctus Augustinus monet de fortuitis rerum casibus
plures libros a pluribus fieri, quatenus per eorum exemplaria
emergentium causarum sententię consultius possint
diffiniri.
Eapropter frater BENZO scribens de domini sui inperatoris
HEINRICI triumphis sive de aliorum regum actionibus multis
veneranter ei porrigit hęc pauca, quemadmodum est
porrectum christicolis Pantheon a cesare Foca, ut in his
cum presulibus et capellanis diebus ac noctibus meditetur et
de rei publice negociis, quid potissimum fieri debeat, deliberetur.
Precor etiam maiestatem domini mei HEINRICI imperatoris
imperatorum, ut hunc libellum in hereditatem relinquat
filiis filiorum, quatenus in eo indesinenter videant monimenta
patrum suorum eo prestante, qui vivit et regnat in
sęcula seculorum. AMEN.
|
1
5
10
15
|