... domino … archiepiscopo Neapolitano Stephanus.
Laxatis retibus in nominis vestri verbo, quod est ori meo celebre dulce
melos, quas usibus vestri gustus ea lege transmitto ut, ab esus participio
germanum et dominum vestra generosa curialitas non excludat, favente
tantisper latice, votivis piscatoris affectibus cepi tructas. Ipsas itaque benigne
queso recipiat vestre benignitatis auctoritas et post esum sapidum,
sanitatis regimine non ignara, nucum presulis manus adhibeat tyriacam.
|
|