quod nisi faciens fieri convivium unum de istis haberet
serpentibus, nichil facere diceretur. Hec civitas habet magnam
habundanciam victualium omnium que sunt in mundo.
De civitate çaiton, ubi sunt monasteria idolatrorum qui pascunt
idola sua de fumo ciborum calidorum, cibos autem pro se
reservant et comedunt. Cap. XXI.
De ista contrata recedens et inde transiens per multas
terras et civitates, veni ad quamdam nobilem terram nomine
Zayton, in qua nos fratres Minores habemus duo loca, ad
que portavi ossa nostrorum fratrum Minorum, qui passi fuerunt
martirium pro fide Christi. In civitate ista magna est copia
omnium illorumque sunt necessaria humane nature, nam tres
libre et VIII uncie çucari minori precio uno grosso ibi habentur.
Hec civitas ita magna est sicut bis esset Bononia.
2. In hac multa sunt monasteria religiosorum, qui ydola universaliter
adorant. In uno autem istorum monasteriorum ego fui,
in quo erant bene tria millia religiosorum, habencium undecim
millia ydola, et unum illorum ydolorum, qui minus aliis esse
videbatur, erat bene ita magnum sicut esset S. Christoforus.
|
|