Pag 14

monasterio resideret et imperatrix filia regis Anglie decentem mansionem haberet, memoratus
abbas, curialitatis et largitatis amator, Augustum donis gratificis honoravit. Obtulit itaque ei
duo tapetia preciosa et solium cum suo apparatu et scabelo abpedaneo artificiosissime insignito,
duo plaustra ita pretiosissimi vini ac si esset de vineis Engadi, XXX modia ordei et
XXXIV plaustra feni. Sturiones etiam maximos ei dedit, quos fecit de partibus Ferarie portari.
His et aliis donis et eximiis tam Augustum quam curiales frequentissime honoravit.
Post hec in mense maii Becilus de Camino et Albricus de Romano frater Ecelini confederati
viriliter Tarvisium intraverunt, fugatoque Iacobo de Mora qui tunc ibi pro imperio
presidebat, rebelles contra tam metuendum principem extiterunt. Sequebatur namque imperator
in omnibus consilium Ecelini, Marchioni et aliis principibus bona promittendo et semper
eis mala de consilio nequissimi Ecelini inferendo. Cuius etiam malicioxa suggestione obsidis
nomine accepit filium unicum Marchionis et filiam unicam Albrici, que Marchionis filio erat
matrimoniali vinculo copulata. Procurabat enim modis omnibus perfidus Ecelinus Marchionem
et eius amicos expellere ab imperatorio servitio et mandato, ut, imperiali fretus auxilio
et favore, posset destruere penitus et delere.
His diebus circa post pasca obiit dominus Iacobus episcopus paduanus; vacavitque dictus
episcopatus XVII annis.
Eodem anno in principio iunii fuit eclipsis solis.
QUALITER MARCHIO ET OMNES AMICI EIUS REBELLAVERUNT. - In eodem mense, postquam
Marchio et omnes sui amici viderunt animum Augusti inclinatum ad complendum omnia desideria
Ecelini, exposuerunt se maximo periculo, a mandatis imperialibus penitus recedendo.
Imperator autem, relicto Tibaldo Francisco potestate Padue et vicario totius Marchie, ita
tamen ut mandatis Ecelini in omnibus obediret, transivit in Lumbardiam et congregans exercitum,
quedam castra Bononiensium devastavit; et his peractis, in Apuliam properavit. Marchio
autem estensis, expulsis custodibus imperatoris, recuperavit Arcem estensem, Baonem,
Cerrum et per obsidionem obtinuit Calaonem. Et sic incepta est guerra periculosa per