Cui appellacioni non detuli, cum eidem de iure non
crediderim deferendum.
Set cum instanter apostolos peteret, has dimissorias
litteras sibi dedi, sigilli mei munimine roboratas, prefingens
sibi terminum ut infra duos menses a die appellacionis
interposite conputandos per se vel procuratorem ad
totam causam sufficienter instructum cum omnibus instrumentis
actis et munimentis suis vestro se conspectui representet,
facturus super hoc quod sibi vestra sanctitas
duxerit iniungendum etc.
d. Forma apostolorum cum appellatur ab ordinario
et non defertur appellacioni.
Sanctissimo in Christo patri domino etc. frater I permissione
dei etc.
Sanctitati vestre notifico, quod — cum in causa appellacionis
ad me interposite pro parte dicti R de tali
loco ab officiali venerabilis patris domini londoniensis
episcopi super questione que inter ipsum R ex una parte
et P loci eiusdem super . . ecclesia ex altera parte vertitur
seu verti speratur, iuris ordine servato, procederem
— dictus P, falso fingens me sibi dicte appellacionis et
aliorum actorum copiam denegare, in scriptis appellavit ad
sedem apostolicam sub hac forma: coram vobis reverendo
patre etc. prefingens sibi et adversario predicto peremptorium
terminum . . mensium, a die appellacionis interposite conputandum,
ad conparendum per se vel procuratorem
ydoneum, ad agendum et defendendum super tota
causa sufficienter instructum, ita quod — si sanctitati
vestre videbitur expedire — finito appellacionis articulo,
vel de partium voluntate omisso, procedere valeant in
negocio principali, cum omnibus instrumentis actis et munimentis
|
|