quiete motibus nostris infesta aestivis caloribus
et Castrensi pulveri nos daremus; personae
vestrae ac fidelium nostrorum periculis non
parcentes ut inter palustres oras montium orbe
circumdatas, depopulationes et caedes hostium
agerentur, nobis ad salutem et quietem
fidelium dirigentibus deliberato consilio gressus
nostros. Accidit igitur inter occupationes et
curas publicas, quibus invitus curarum animus
non potuit obstitisse, personam nostram prae
infirmitate corporis incurrisse discrasiam,
quam cum virtute sic vicimus, ut imperialiter
existentibus nobis in castris, die cretica terminata
victoriosum processum et felicem victoriam
Caesaream non praesumeret ulterius impedire
etc. Quapropter authore Domino, qui
regibus et principibus dat salutem, in pristinam
convalescentiam restituti, fortiores facti,
et timores aestivi temporis contemnentes
coeptum iter adductis viribus et undique potentia
nostra congregata, prosequimur; et in Romaniolam
procedentes, quocunque rebelles
occurrerint, per nostram potentiam sub pedibus
nostris oppressuri. Et ut vos omnes et
singuli, tam de resumpta convalescentia quam
de successibus subsecutis confortari velitis plenius
et laetari, istud vobis significamus ad
omnem dubietatem penitus amovendam,
quia [Rege regum cum suo misericorditer Principe