Ut dictandi facultas quasi Cedrus Libani exaltetur,
vos, dilecti, quibus adest propositum in dictaudi facultate
largius militandi, cum diligenti affectione bona suscipite,
que Bonus, humiliter eius professor, de thesauro
celesti munere concesso dictatoribus preparavit,
per que secundum stilum curie utriusque parabit iter
epistolaris dictaminis perspicaciter dictatori.
Cesset igitur omnium, invidia detractorum, cinicorum
dentes in se dentibus contrahautur. Erubescant
impii qui rubiginoso morsu auri fulgorem denigrare
satagunt, nec operi detrahant, nec auctori.
Ceterum contuentes ista oculo non liventi, commendanda
commendent et benigne corrigant, si quid ex imperfectione
inventionis humane fuerit corrigendum.
Ad effectionem itaque dictaminis sumentes exordium,
primo de ipso quedam generalia, secundo specialia
que ad epistolam pertineant supponamus.
|
|