libras .XXV. in alia festivitate sanctę Marię de ipsa moneta quę
in Roma expenditur, exceptis denariis de banno. Exceptavit
quoque iustitiam quę pertinet ad Sanctum Iohannem de Argentilla
et quam tunc possidebat. et tradidit prędictus Octavianus
de castro Bivaro partem quartam quę fuit Teutonis, quam tenebat
Carbo, ut habeat eam Sancta Maria sicut et partem Transmundi.
Tempore autem domni Clementis III papę, indictione .VIIII.
mense novembris, Octavianus prędicti Iohannis Oddonis filius,
pręsente domno Ferrucio sanctę Sedis apostolicę secundicerio atque
Carone urbanę pręfecturę causidico necnon astantibus subscriptis
testibus, refutavit in manus domni B[erardi] huius monasterii
abbatis omnem litem et querimoniam quam idem Octavianus
fecerat huic monasterio et prędicto abbati de tota terra de Scandrilia
quam invaserat pro litigio quod fecerat Herbeo comiti et
de stipulationibus guadimoniorum quas sibi requirebat ac de cunctis
litibus quas pro illis negotiis adversus eundem abbatem exercuerat,
sub tali quidem obligatione, ut nec ipse nec hęredes eius aut
aliqua persona a se submissa de omnibus quę dicta sunt litem
vel requisitionem nominato monasterio aut domno abbati unquam
faceret. quod si presumeret, libras .XX. papiensium denariorum
sibi componeret, et eadem lis inanis foret. testes sunt: Sarracinus
a Sancto Eustatio, Tedemarius Gezuni, Iohannes de Nasso.
filii autem quondam Crescentii comitis fecerunt diffinitionem cum
domno Berardo abbate de castello Tribuco et pertinentiis eius,
ut recta fide adiuvarent eum infra ipsum castrum et eius pertinentiam;
cuius fines pertinentię istę sunt: a primo latere flumen
Farfę, a secundo latere via Britta pergens in Ponticlum et in curtem
Sancti Benedicti, a tertio latere ipsa curtis Sancti Benedicti,
a quarto latere flumen Maius. alię fines de alia parte: a primo
latere terra huius monasterii quam ad manus nostras tenemus et
terra filiorum Azonis pręsbyteri quam per scriptum tenuerunt et
venientes in Farfam, a secundo latere rivulus currens inter Canalim
|
|