partibus in termino sibi dato ad hanc sentenciam audiendam,
necnon talibus et talibus testibus ad hoc vocatis
etc. anno domini a nativitate m°. cc°. lxxxiiii. indictione
nona. die tali.
C . Sentencia arbitrorum super excepcione proposita
contra iudicem qui ex officio suo procedit.
Cum nuper venerabilis pater episcopus cystrensis
contra R de tali loco super eo quod ipsum R in visitacione
quam in terra ipsius R prefatus dominus episcopus fecerat
super incontinencie vicio diffamatum invenerat, ut
dicebat, ex officio suo procederet, idem R contra iam dictum
episcopum excepcionem proposuit infrascriptam:
coram vobis venerabili patre domino . . dei grada episcopo
cystrensi dico et excipiendo propono ego R. quod super eo quod
me diffamatum dicitis, vel alio quoquo modo, contra me procedere
non potestis, cum sitis maioris exconmunicacionis sentencia
innodatus, lata in vos ob contumaciam per venerabilem virum
dominum . . domini pape iudicem delegatum in causa que inter
vos ex una parte et talem ex altera coram ipso auctoritate
apostolica vertebatur. et sic ponatur totus tenor excepcionis.
deinde dicatur sic:
Super qua quidem excepcione cognoscenda et terminanda
prefati dominus episcopus et Ro nos M et F arbitros
conmuniter assumpserunt.
Nos igitur, visis probacionibus etc. ut supra proximo
per totum super excepcione recusacionis contra ordinarium
proposita.
D .
Raro talis promulgatur sentencia, quia consueverunt
ordinarii pocius principale negocium de parcium voluntate
conmittere quam arbitrorum sentenciam expectare.
Cum enim coniudices illius qui recusatus est vel
|
|