mortuus est ut credentes in se justos faceret. Gratis
ergo mortuus est, si legalis observantia justos
facere posset.
CAP. III.—1. AMBROS. O insensati Galatae! Interjectum
est, ab eo loco, usque ad hunc, solum a
vobis volo , etc. Poterat enim dicere: Hoc solum volo
a vobis discere.
2. Ante quorum oculos . Praescriptus est et in vobis
crucifixus; vult quidem dicere quod, cum multo
affectu verba crucis audistis, ita ut ante oculos
nostros depingeretis ipsam crucem, paulo minus et
illa quae eo tempore facta sunt. Qua ergo fascinatione
tantum abjecistis affectum, quem erga Christum
habere videbamini?
3. AUGUST. ( In exposit. in Epist. ad Galat. , cap. III,
tom. IV.) Ante quorum , hoc est, quibus videntibus
Christus Jesus haereditatem suam possessionemque
amisit; his utique auferentibus eam, Dominumque
inde expellentibus, ad legis opera eos qui crediderant
revocando, et auferendo illi possessionem
suam, id est, eos in quibus gratia fidesque inhabitat.
4. LANFR. Ante quorum oculos . Ante oculos mentis
eorum Jesus Christus proscriptus est, id est,
damnatus et crucifixus erat, id est, contemptui
habitus, putantibus eis per fidem ipsius non justificari
hominem, sed per observantiam legis.
5. AUGUST. ( ibid. ) Jesus Christus praescriptus .
Aliter Jesus Christus praescriptus est crucifixus;
addidit, crucifixus , ut hinc eos maxime moneret
[ al. , moveret], cum considerarent quo pretio emerit
possessionem, quam in eis amittebat.
6. ( ibid. ) Hoc solum a vobis . Hinc incipit demonstrare
gratiam, quemadmodum gratia fidei sufficiat
ad justificandum sine operibus legis.
7. LANFR. Ex operibus legis spiritum accepistis .
Si spiritum habetis ex fide, quod jam probaverat,
|
|