IN TERTIUM SENTENTIARUM, DISTINCTIO 24
DIVISIO TEXTUS
Postquam determinavit Magister de fide secundum suam substantiam, hic
determinat de ea in comparatione ad suum obiectum; et introducitur pars ista
occasione definitionis fidei ab apostolo datae, qua fidem argumentum non
apparentium dicit.
Dividitur autem pars haec in duas: in prima inquirit, utrum fides sit de non
visis; in secunda utrum sit de incognitis, ibi: «Post haec quaeri solet». Circa primum
duo facit: primo ostendit fidem, proprie loquendo, esse de non visis; secundo
removet quamdam instantiam quae fieri posset, ibi: «Si vero quaeritur, utrum
Petrus fidem passionis habuerit. dicimus eum fidem passionis habuisse».
|
|