etiam princeps dona optulit multa. Bonifatius namque quintus
papa constituit ut testamentum valeat secundum iussionem principis.
Honorius denique papa cooperuit omnem ecclesiam
Beati Petri apostoli ex tabulis ęreis quas levavit de templo quod
appellatur Romę ex consensu piissimi Eraclii imperatoris.
temporibus vero Theodori papę, mortuo Hisaucio, misit imperator
Theodorum patricium et exarchum cognomento Calliopam
ad regendam omnem Italiam. in diebus autem Martini papę
direxit imperator Olimpium cubicularium et exarchum ad regendam
omnem Italiam, et post hęc mis Theodorum exarchum
cognomento Calliopam cum Theodoro imperiali cubiculario qui
et Pellurio dicebatur. qui tollentes sanctissimum Martinum
papam de ecclesia Salvatoris quę et Constantiniana appellatur,
perduxerunt Constantinopolim . Vitaliani vero papę temporibus
venit Constantinus Augustus in urbem Romam, et omnia
que erant in ęre ad ornatum civitatis deposuit. sed et ecclesiam
Beatę Marię ad Martyres, quę de tegulis ęreis erat, discooperuit
et in regiam urbem cum aliis diversis quę deposuerat
direxit . Agatho quoque papa suscepit divalem iussionem
piissimorum principum Constantini, Eraclii et Tyberii Augustorum,
secundum suam postulationem suggerens, per quam revelata
est quantitas quę solita erat dari pro ordinatione pontificis
facienda, sic tamen ut, si contigeret post eius transiturm electionem
fieri, non debeat ordinari electus nisi prius decretum generale
introducatur in regiam urbem secundum antiquam consuetudinem,
et cum eorum conscientia et iussione debeat ordinatio
pervenire . Leonis etiam papę secundi temporibus, pręcurrente
divali iussione principis clementissimi, restituta est ecclesia
Ravennas sub ordinatione Sedis apostolicę, ut defuncto archiepiscopo,
qui electus fuerit, iuxta antiquam consuetudinem in
urbem Romam veniat ad ordinandum. Benedictus autem
secundus papa suscepit divales iussiones clementissimi Constantini
|
|