Quando Philistei temporibus Heli sacerdotis pugnauerant
contra Isrelitas, et fuerunt duo filii Heli mortui cum plurima
multitudine ex Israel, et eorum peccatis exigentibus captiuam
duxerunt arcam domini Dei Sabaoth et posuerunt eam in
templo Dagon; quamuis honorifice uenerantes, tamen mane
deum eorum confractis ceruicibus et totum diminutum inue-
nerunt ante arcam Domini. Nec multo post pessima clade
percussi, intellexerunt malum de arca perpetrasse, ut in Regum
uolumine refertur, tuleruntque duas uaccas fetas, quae non su-
dauerunt iugo, et eam posuerunt super currum, ita ducentes,
ut non declinarent ad dexteram neque ad sinistram; et sic
cum pluribus thesauris arca est reuersa in ciuitatem suam. Ita
nos decet agere».
Statim surrexerunt omnes unanimiter cum duce et tule-
runt corpus beati Iuuenalis et cum nimio honore reduxerunt,
cum hymnis et canticis, cum psalmis et choris, ad apostolo-
rum limina summo pontifici deferentes. Tunc conglobati
episcopi Romanorum et presbyteri cum cetu Romanorum su-
sceperunt corpus beatissimi Iuuenalis cum infinitis gaudiis.
Clamabat pontifex: “Eia Iuuenalis sanctissime, dum in carne
esses, duxit te Dominus, derelicto parente rebusque patris, ex
|
|