pytacium de castitate servanda neglecto canone mundanis
extortum a legibus, in quo omnes sacri ordines Ambrosiane
dyocesis inviti subscribunt angariante ipso cum laycis.
Interim predones civitatis preter edes aliquas in urbe dirutas
lustrabant parochiam domos clericorum scrutantes eorumque
diripientes substantiam. Clerus igitur multipliciter afflictus
legatione humili conquestus est, primo conprovincialibus
episcopis, deinde Romano pontifici. Preerat tunc
Rome Stephanus. Qui audita perpendens populum quiescere
et archiepiscopum super hac re synodum congregare apostolicis
iubet apicibus. Qua fretus auctoritate Vuido presul
diligenter studet cetum convocare pontificum mandans Landulfo
et Arialdo rationabiliter interesse tractandis.
11. Factus est autem synodalis presulum multorum conventus
in loco, qui dicebatur Fontanetum. Ubi cum triduo
|
|