sinceritatem et veritatem habemus.
9. Scripsi vobis . Epistolam quamdam, quae modo
non habetur, misit illis; in qua praecepit ne participationem
haberent cum fornicariis et caeteris de
quibus dicit. Sed quia non distinxit de quibus fornicariis
dixerit, Christianis, an gentibus, putatum
est a Corinthiis, de fornicariis gentibus eum dixisse.
Quam eorum perversam intelligentiam corrigit hic
Apostolus.
10. Alioquin , id est, si praecepissem vobis gentium
participationem fugere, debueratis de mundana
conversatione, in locum desertum exire; omnes
enim fornicarii, avari, etc.
11. AMBROS. Alioquin , id est, si commisceamini,
melius erat vos mori.
12. LANFR. Non commisceri , Ordo: non commisceri
cum ejusmodi, nec cibum sumere; Si is qui
frater , etc.
13. AUGUST. ( ex lib. II Retract. , c. 17, tom. VII).
Auferte malum . Quod ait Apostolus: Auferte malum
ex vobis ipsis; ut ex seipso quisque auferat
malum, non sic esse intelligendum est; sed potius,
ut homo malus auferatur ex hominibus bonis, quod
fit per ecclesiasticam disciplinam, satis Graeca lingua
indicat; ubi sine ambiguitate scriptum est ut intelligatur
hunc malum, non hoc malum.
CAP. VI.—1. AMBROS. An nescitis quoniam .
Judicabunt sancti hunc mundum; quia exemplo fidei
eorum perfidia mundi damnabitur.
2. AUGUST. ( in psal. LXXXVI, tom. IX). Nescitis
quoniam angelos . Quos angelos, nisi apostatas
angelos?
|
|