prior loci fratrum Predicatorum conventus Faventie, illis diebus, tractavit concordiam
inter comune Bononie et illos de provincia Romaniole, qui observabant partem Lanbertaciorum
extrinsecorum de Bononia, et, pluribus vicibus, ivit Bononiam, et revertebatur Faventiam
et Forlivium dicta de causa. Et, contigit, ad eius tractatum convenerunt, apud Montem Regis
supra Castrum Sancti Petri, ubi est locus fratrum Minorum, et etiam apud quoddam pratum
extra Castrum Sancti Petri, pluribus vicibus, anbaxiatores de Bononia, una cum domino Ottollino
de Mandello potestate Bononie, ex una parte, et anbaxiatores de Imola, Faventia, Forlivio
et Cesena, una cum comite Galasio capitaneo Cesene, domino Maghinardo capitaneo
Faventie et Imole. Et, tractatu habito inter eos, fecerunt pacem ad invicem, et sindici generales
electi fuerunt ex utraque parte, qui se, obsculo pacis et concordie, obsculati fuerunt.
Et, postea, dictus potestas Bononie, cum magnis anbaxatoribus, venierunt Faventiam et Forlivium
ad tractandum ea, que videbantur eis pro utilitate et conservatione dicte pacis, ubi
honorem maximum receperunt. Et, ab inde in antea, omnes mercatores de Bononia, cum
eorum mercationibus, secure ire atque redire potuerunt per loca predicta.
Item, eo anno, in kallendis maii, electus est potestas Faventie illustris dominus comes
Tigrimus de Mutilliana Dei gratia in Tuscia pallatinus, pro sex mensibus, qui venit Faventiam
ad ipsum regimen exercendum, die dominico X mensis maii.
Item, eo anno, rex Karulus et donpnus Iacobus rex Aragonum, cum eorum exforcio et
gente de Ianua et Catellonia et Francia, et etiam aliunde, armata manu, in galeis et lignis,
in mari regni Apullie, bellum maximum commiserunt una cum gente et armata regis Frederici
de Scicilia, ita quod gentes ipsius regis Frederici debellate fuerunt, et capti et mortui
in maxima quantitate; et hoc fuit die IV mensis iullii anni predicti. Postea vero, elapsis
aliquot diebus, in eisdem partibus, fuit magnus conflictus de gente regis Karuli, qui fuerunt
|
|