Vulturnus dicitur, et quemammodum decurrit ipsum flumen iuxta
terras eiusdem monasterii usque in predictis finibus et terris ecclesie
Sancte Marie), insuper concedimus et confirmamus in prefato
cenobio omnia precepta antecessorum nostrorum, videlicet
Karoli, Ludovici, atque Lotharii, ducum, et principum, seu omnes
legales scripciones, eo scilicet ordine hec omnia in prefato monasterio
concedimus, quo superius legitur, habendi et possidendi
sine ullius comitis, castaldei vel iudicis, aut cuiuscumque magne
seu parve persone contradiccione, vel inquietudine, sed quieto ordine
habeat, et possideat omnia, que prelegitur, iam dictum monasterium
in eo ordine, sicut superius legitur in perpetuum nullo
aliquando contrario ingerente. Ut autem hec nostra concessio et
confirmacio ab omnibus verius observetur, manu propria scripsimus,
et anulo nostro subter iussimus sigillari. Data .VI°. idus
iulias, anno .XVI°. principatus domni Landulfi, et .VII°. anno principatus
domni Atenulfi, indiccione .IIII.a. Actum in Capua.
COMMUTACIONEM quoque fecit cum Yselgrimo Cosentino episcopo
abbas Godelpertus, cui episcopo dedit res in Visuniano
cum omni sua pertinencia. accepit vero ab eodem episcopo
res in Malvitane finibus, et in Calunca, et solidos viginti
bizanteos.
CONSTITUIT vero inclitum prepositum de monasteriis, ecclesiis,
servis, et ancillis per totum principatum Salernitanum sibi
pertinentibus, monasteriis quoque puellarum Sancti Michahelis, et
Sancti Georgii que omnia sub unius potestate viri erant. possessiones
|
|