aliquando frater egrediens pręsumpserit a quolibet principe vel
comite seu pręlato Ecclesię ad contrarium vel defectionem huius
cenobii aliquem honorem vel ecclesiasticanl pręlationem suscipere,
sive huius abbatię invasionem pręsumere, aut contubernium aliquod
cuiuscumque detrimenti istius monasterii quęrere, aut huius
congregationis electionem concorditer et canonice atque regulariter
factam suis pravitatibus conatus fuerit tyrannica perfidia perturbare
aut subvertere seu dissipare, perpetuę anathematis excommunicationi
subiaceat, et a consortio sanctorum omnium segregatus maneat,
cum Dathan et Abiron et Iuda traditore Dotnini atque Symone
Mago pereat, nisi forte digne pęnitens huius conventus pię indulgentię
remissionem optinuerit culpę suę. amen.
Idem quoque bone memorię domnus B[erardus] abbas omnino
interdixit, et sicut ordo noster Cluniensis pręcipit, ut nullus e fratribus
pręsumat confiteri sua facinora illis monachis qui non habent
factam professionem in ipso loco ubi degunt, neque illis qui ex
alio monasterio pro aliqua legatione vel sua necessitudine, quamvis
nostram societatem habeant, quia sepe evenit ut maxima destructio
in ipso loco fiat. et qui hoc pręsumpserit, nisi regulariter
pęnituerit, gravissimę subiaceat excommunicationi.
[In nomine sanctę et individuę Trinitatis ] Adam divina concedente
gratia episcopus. omnium fidelium Christianorum et cunctorum ordinum
ecclesiasticorum agnoscat industria, quomodo plurimorum nostrorum sacerdotum
atque levitarum nostrę parochię nobiliumque virorum consilium
sumpsimus, ut ecclesiam Beati Benedicti in territorio Esculano, loco qui vocatur
Sumati et ubi dicitur Inter Casas et Parasolem, monasterium fieri decrevissemus
virorum Deo famulantium, ut regi Domino pręces pro incolumitate
et pace viventium et requie mortuorum plenissime effundere valerent.
quapropter [his ita peractis, consensu primatum sacerdotum sanctę ecclesię]
ordinato ibidem abbate Azone pręsbitero humile et honesto moribus, [et]
|
|