Paulinus Aquileiensis: Carmina

Pag 145


4. Mater beata carnis sub uelamine
deum ferebat humeris castissimis,
dulcia strictim basia sub labiis
deique ueri hominisque impresserat
ori, iubente, quo sunt cuncta condita.
5. Duos parentes tulerunt candidulos
pullos columbae lacteolis plumulis,
dedere in templo par pro eo turturum,
legis ueluti promulgabat sanctio,
quales perustas consecrarent hostias.
6. Dei sacerdos humilis, mitissimus
erat in urbe, iustus, senex optimus,
felix, beatus Symeon caelifluo
sanctoque plenus affuit spiramine,
sacra sub aula nati dei concitus.
7. Hic namque dudum responsum acceperat,
sancto docente spiritu, quod uinculo
mortis resolui non posset de corpore,
donec uideret Christum uiuens domini,
quem misit altis genitor de soliis.
8. Suscepit ergo puerum in manibus,
egit superno genitori gratias,
ulnis retentans benedixit dominum,
amore plenus cordis cum dulcedine,
addens et alto sermone subintulit:

Torna all'inizio