13. In illa die . Quasi diceret: de quo semper loquor
tecum.
CAP. II.—1. AMBROS. Quae audisti a me . Quae
audisti a me, frequenter alios docere; hoc dicit,
per multos testes .
2. LANFRANCUS. Per multos testes . Per multos, id
est, inter multos. Ut Virgilius: Via secta per ambas,
id est, inter ambas. Vel ita: quae audisti a me
sunt probata per multos testes, id per multa testimonia
Scripturarum.
3. LANFR. Nam qui certat in agone . Certa legitime
ut coroneris, a contrario: aliter non coronaberis,
a simili: Nam qui certat in agone , etc.
4. AMBROS. Laborantem . Quia hortatus est ut in
illa sollicitudinem de saecularibus habeat, necessitas
flagitat humana de illis perquiri quae erga escam et
indumenta sunt.
5. Laborantem . Timotheus iste exemplo Apostoli
labore manuum suarum volebat vivere, et ab auditoribus,
quibus verbum Dei praedicabat, nihil accipere,
unde penuriam multam patiebatur, quia infirmus
erat, et labori manuum vacare non poterat.
Admonet ergo eum sub specie agricolae ut de agro
quem colit fructum, unde sustentet se, non aspernetur
percipere.
6. Non est alligatum . Quasi diceret: me ligant,
sed verbum Dei ligare non possunt, quia ubique
praedico.
7. Ille fidelis . Praedixit Dominus, per prophetas
|
|