perpetratur. Deponas nempe nutrire
cutem et Epicuri studeas vitam ejicere.
Et ut ad exercendum tibi commissum officium
fias agilior, postponas etiam quae corpus nutriunt
ad quietem. Cum non sit quiescendum
praesidi, sed continue sit agendum. Et sic commissum
tibi modicum regimen vigilanter et prudenter
exerceas, quod in decreta tibi provincia,
praemissae transgressiones et vitia depellantur.
Quare fidelitati tuae, sub obtentu
nostrae gratiae, firmiter et expresse praecipiendo
mandamus, quatenus per partes provinciae jurisdictionis
tuae sine dispendio morae discurras,
tam provincialibus quam indigenis singulis,
quam advenis et concurrentibus universis justitiam
ministrando; et sic a praefatis transgressoribus,
provinciam ipsam optime purgare
procures, et exinde tributos laesionis evellere,
quod praefata facinora et transgressionum
enormitas deleantur, transgressores, homicidas
et fures, ac publicorum violatores itinerum,
ac armorum illicitorum etiam delatores, tam
praeteritos quam futuros, ultionis debitae gladio
audacis, more praesidis, viriliter puniendo.
Ut per te hucusque commissa
injuria, per curae solertiam redimatur; et soporis
hucusque habiti abjecta gravedine status pacis
et justitiae, per vigilantiae solertis excubias
reformetur. Sic autem te gerere studeas
studiose solicitum, quod ex effectu laudabilium
operum, in conspectu nostro commendandus