Non genus ingenium, generis sed nobilitatem
Ingenium superet: sic generosus eris.
Non genus in Polla, sed mores discute: mores
Nobilitant marium femineumque genus.
Consulo, laudo tibi Pollam: dimittere noli
Quin sit nupta tibi tuque maritus ei".
"Concordant mea vota tuis: quia iam placet ista
Causa tibi, debet, Fulco, placere michi;
Tu iubeas et ego faciam tua iussa libenter,
Nolo mandatis obvius ire tuis.
Ad propriam remeabo domum, tu perfice factum:
In manibus maneat sors mea tota tuis".
Nox erat interea Paulinus quando recedens
Solus per tenebras arripiebat iter;
Cui comitem se Fulco dedit, quia rusticitatem
Crederet ut faceret ni sequeretur eum.
Usque domum comitatur eum, dictoque vicissim
Leta voce: 'Vale!', Fulco reflexit iter.
<Fulco >
Dum redit, ecce canes mordaci dente repente
|
|