persequuntur; ac tam acriter eos persecuti fuerunt, quod per
viam illam, per quam redire debebant et in qua imperator cum
suis absconditus fuerat, reverti non valuerunt. Mediolanenses
igitur Papienses persequentes multos ex eis ceperunt pluresque
vulneraverunt. At imperator cum suis Papienses redeuntes
expectans vidensque illos per illam viam, quam ipsis indicaverat,
non revertentes putansque etiam illud eis accidisse,
quod in veritate acciderat, statim Papiensibus, qui cum ipso
fuerant, precepit, ut ipsi unam viam, que versus Mediolanum
ibat, pergerent ipseque cum suis et una cum Laudensibus per
aliam, que similiter versus Mediolanum pergebat, tenderet.
Papienses vero, cum velociter irent, in Mediolanensibus inciderunt.
Mediolanenses namque super eos irruentes fortiterque
cum ipsis pugnantes multosque ex eis capientes reliquos
fugaverunt. Interea namque imperator, cum ipsi Mediolanenses
valde leti a prelio iam redierunt, eis obviam robusto veniens
animo ac in Teutonica lingua fortiter vociferans statimque
super eos irruens mirabiliter invasit. Mediolanenses igitur
Teotonicam linguam intelligentes ac ipsum imperatorem esse
putantes in nihilo se defenderunt, sed statim omnes terga
|
1
5
10
15
20
|