Lanfrancus Ticinensis: In omnes epistulas Pauli commentarii, cum glossula interiecta

Pag 318


post communionem. Hoc ponit pro omni oratione.
5. Oratione , id est, quotiescunque oratis, vel
gratias refertis, tunc petite si quid a Deo petere
vultis.
6. AUGUST. ( epist . 121. Ad prob. de orando Deo ,
cap. 9, tom. II.) Petitiones vestrae . Non sic accipiendum
est tanquam Deo innotescant, qui eas et antequam
essent noverat. Sed nobis innotescant apud
Deum per tolerantiam, non apud homines per jactantiam.
Aut forte etiam innotescant apud angelos,
qui sunt apud Deum, ut quodammodo eas offerant
Deo, et de his consulant, et quod Deo jubente implendum
esse cognoverint, hoc nobis vel evidenter,
vel latenter reportent. Dixit enim angelus: Cum
oraretis, ego obtuli orationem vestram in conspectu
claritatis Dei.
7. AUGUST. (lib. XXII. De civit. Dei , c. 29, tom. V.)
Et pax Dei . Pacem qua Deus ipse placatus est,
sicut Deus novit, non eam nos sic possumus nosse,
nec ulli angeli; superat itaque omnem intellectum.
8. LANFR. Pax Dei , id est, qua in semetipso
pacatus est, vel qua humanum genus reconciliavit
sibi.
9. AUGUST. (lib. De bono viduit , c. 22, tom. IV.)
Quaecunque bonae famae . Non neglexit ponere bonae
famae; duobusque cuncta conclusit, ubi ait: Si qua
virtus, si qua laus . Ad virtutem autem pertinent quae
antea memoravit. Bona fama vero ad laudem.
10. AMBROS. Gavisus sum . In Domino dixit, ut non
videretur ob pecuniam sibi directam laetari, sed
propter propositum illorum qui miserunt.
11. LANFR. Refloruistis , id est, pristinum largitatis

Torna all'inizio