doctori talis salutem et mundane sciencie lumen sibi fore ad mansionem
celicam inductivum.
2. Qualiter scribitur medicis
Multimoda sciencia radianti viro magistro .B., vel magistro .P. de
Rocha medicine et nature magistro scienciis, vel scientifico viro magistro
tali medico talis salutem et quod docuit excellenter per theoricam,
esse per practicam fructiferum et salubre.
3. Qualiter scribitur magistris scienciarum
Aristotilico viro magistro .P. non solum conventato in trivio, sed
et naturalis philosophie lucidato doctrinis; vel sic: Famoso viro magistro
Laurencio grammatice professori, vel reverendo viro donis redimito
sciencie magistro Iacobo professori et doctori grammatice suus
intimus et devotus Franciscus de Nog salutem et honoris et fame continuum
incrementum, vel salutem et devote veneracionis affectum; vel
sic: Floribus eloquencie purpurato magistro Marcho de Calcaterris
professori rethorice et summe notarie lectori Lapus de Prato salutem
et debite reverencie actum; vel sic: Recommendacionem sui et habitum
prosperitatis ad votum, vel salutis habitum et arbitrio voluntatis
honorem, vel humilem reverenciam cum salute.
Qualiter scribitur studentibus ab extraneis
Studentibus posset scribi ab extraneo isto modo: Famoso iuveni
atque probo, vel laudum preconiis superpleno domino .S. Nanni sacrorum
canonum studiis insistenti, vel iuris canonici invigilanti doctrinis,
vel domino .P. legum civilium dedito documentis; vel sic: Documentis
litteralibus dedito Petro; vel sic: Strenuo iuveni Padue gerenti scolastica,
vel scolari Bononie, vel studio Padue invigilanti scolastico,
vel documentis litteralibus insudanti, vel studio liberalis sciencie, vel
Padue invigilanti sciencie, vel scolastico labori supposito tali talis salutem
et in suscepto proposito prosperum complementum.
5. Qualiter scribitur scolaribus a suis magistris
Si autem scriberetur eis a suis magistris, sic dicendum: Suo alumpno
litteralibus scienciis educato .C. .B. salutem cum benediccione magistri,
vel salutem et sapere quod opertet, vel salutem et de bono in
melius feliciter prosperari.
|
|